Tabıǵı qoryq týrısterge arnalǵan «sıqyrly túngi ormanǵa» aınaldyryldy
ASTANA. QazAqparat - Monreal qalasynan eki saǵat jol júretindeı qashyqtyqta ornalasqan Coaticook Gorge qoryǵynda týrısterge «sıqyrlandyrylǵan túngi orman» ishimen qydyrystaý usynylady.
Sahnalyq jáne teatrlyq effektilerdi jandandyrý qyzmetimen aınalysatyn Moment Factory kompanııasy saıabaqtyń eki shaqyrymǵa jýyq aýmaǵyn sıqyrly álemge aınaldyrǵan.
Baq ishinde kelýshilerge orman perileri, ańyzdardaǵy jan-janýarlar men elester «kezigedi», dep habarlaıdy Travel. Olardyń obrazdaryn beıneleýde tyń ıdeıa ıeleri osy aımaqta ómir súrgen úndisterdiń kóne ańyzdaryn eskergen.
Zamanýı jaryqtyq, dybystyq jáne beıne áserlerdiń arqasynda «sıqyrly ormanǵa» shynymen de jan bitedi: aǵashtardyń tamyrlary qozǵalyp, japyraqtary san alýan tústerge boıalady. «Sıqyrly orman» týrısterge 11 qazanǵa deıin qyzmet kórsetpek, munda kirý baǵasy 18 kanadalyq dollar ($17) turady.
