Tabıǵı gaz áleýetin arttyrý: 30 ýchaske barlanyp, 50 ýchaske aýktsıonǵa shyǵarylady

ASTANA. KAZINFORM – Energetıka mınıstri Erlan Aqkenjenov Prezıdenttiń jańa ken oryndaryn izdeý esebinen tabıǵı gazdyń áleýetin kúsheıtý tapsyrmasy qalaı oryndalyp jatqanyn aıtyp berdi.

– Gaz salasynyń uzaq merzimdi resýrstyq bazasyn nyǵaıtý jáne eldiń energetıkalyq qaýipsizdigin qamtamasyz etý úshin «QazaqGaz» ulttyq kompanııasy keshendi geologııalyq barlaý jumystaryn júrgizip keledi. Qazirgi ýaqytta shamamen 515 mlrd tekshe metr gazǵa aldyn ala resýrstyq baǵalaý jasaldy, jer qoınaýynyń 14 ýchaskesinde jumystar júrgizilip jatyr, – dedi Energetıka mınıstri Úkimet otyrysynda.

Spıkerdiń aıtýynsha, orta merzimdi perspektıvada geologııalyq barlaý portfelin keńeıtý josparlanyp otyr. Onda jalpy gaz resýrsy shamamen 1,7 trln tekshe metr bolatyn 30-ǵa jýyq ýchaske qamtylady. Bul gaz óndirý kólemin arttyrýǵa jáne eldiń boljamdy ishki suranysyn tolyq qamtamasyz etýge berik negiz qalaıdy.

Sonymen birge, ınvestıtsııalyq belsendilikti arttyryp, geologııalyq táýekelderdi bólisý maqsatynda jer qoınaýynyń shamamen 50 ýchaskesin elektrondy aýktsıondarǵa shyǵarý kózdelip otyr. Bul ýchaskelerdegi geologııalyq barlaý jumystary «QazaqGaz», «Samuryq-Qazyna» jáne ınvestorlar esebinen qarjylandyrylmaq.

Aıta keteıik, Energetıka mınıstrligi Prezıdenttiń Quryltaıda aıtqan Kómir generatsııasyn damytý jónindegi Ulttyq jobany ázirleý jáne bekitý tapsyrmasyn oryndaýǵa kiristi.