Tabıǵı aýmaqtardy baqylaýǵa drondar men jasandy ıntellekt tartylýy múmkin
ASTANA. KAZINFORM — Ekologııa jáne tabıǵı resýrstar mınıstri Álibek Qýantyrov Almaty qalasy men Almaty oblysyna jumys sapary barysynda birqatar tabıǵat qorǵaý jáne ekologııalyq mekemelerdi aralady.
Іle-Alataýy memlekettik ulttyq tabıǵı parki
«Alma-Arasan» baqylaý-ótkizý pýnktinde mınıstrge KPP-ny avtomattandyrý júıesiniń jumysy kórsetildi. «Aıý-saı» vızıt-ortalyǵynda tabıǵı aýmaqtardy qorǵaý, ekologııalyq aǵartý jáne ekotýrızmdi damytý máseleleri qaraldy.
Bas botanıkalyq baq
Bas botanıkalyq baqta A. Qýantyrov oranjereıalardy rekonstrýktsııalaý barysyn kórdi. Sondaı-aq ósimdikterdiń bıoalýantúrliligin saqtaý, ǵylymı zertteýler júrgizý jáne botanıkalyq kollektsııalardy damytý máselelerine nazar aýdaryldy.
Ekologııa departamenti, «Qazavıaormanqorǵaý» jáne «Qazgıdromet»
Almaty qalasy boıynsha Ekologııa departamentinde qorshaǵan ortanyń jaı-kúıin baqylaý máseleleri qaraldy. «Qazgıdromet» ókilderi ekologııalyq jáne gıdrometeorologııalyq monıtorıng týraly, al «Qazavıaormanqorǵaý» mamandary orman qoryn avıatsııalyq qorǵaý jáne tabıǵı órtterdi erte anyqtaý jumystary týraly baıandady.
Almaty memlekettik tabıǵı qoryǵy
Qoryqta bıoalýantúrlilikti saqtaý, janýarlar men ósimdikter dúnıesin qorǵaý, ǵylymı zertteýler júrgizý jáne turaqty monıtorıng máseleleri sóz boldy. Sonymen qatar tabıǵı keshenderdi qorǵaý baǵytyndaǵy jumystar kórsetildi.
Іle-Alataýy MUTP Talǵar fılıaly
Talǵar fılıalynda orman jáne janýarlar dúnıesin qorǵaý, aýmaqty patrýldeý jáne memlekettik ınspektorlardyń jumysy qaraldy. Mınıstrge tabıǵı aýmaqtardyń jaı-kúıin baqylaýdy uıymdastyrý týraly da aqparat berildi.
«PO Ohotzooprom» RMQK
Kásiporynda janýarlar dúnıesin qorǵaý, sırek kezdesetin jáne joıylyp ketý qaýpi bar túrlerdi saqtaý, zańsyz ańshylyqtyń aldyn alý jáne ınspektorlyq baqylaý máseleleri talqylandy. Monıtorıngti jetildirý jáne zamanaýı tehnologııalardy qoldaný múmkindikterine de erekshe nazar aýdaryldy.
Jabaıy janýarlardy qaıta jersindirý ortalyǵy
Sapar barysynda A. Qýantyrov Jabaıy janýarlardy qaıta jersindirý ortalyǵynda boldy. Munda jabaıy janýarlardy kútip-ustaý, qalpyna keltirý jáne olardy tabıǵı mekendeý ortasyna qaıta jiberýge daıyndaý jumystary júrgiziledi.
Jumys sapary barysynda tabıǵat qorǵaý mekemelerine ortaq ózekti máseleler de kóterildi. Olardyń qatarynda qarjylandyrý, shtat sanyn ulǵaıtý, materıaldyq-tehnıkalyq bazany jańartý jáne monıtorıng júıesin jetildirý bar.
— Sondaı-aq tabıǵı aýmaqtardy baqylaýda ushqyshsyz ushý apparattary men jasandy ıntellekt tehnologııalaryn qoldaný múmkindikteri qarastyryldy. Mundaı sheshimder tabıǵı landshafttaǵy ózgeristerdi taldaýǵa, foto jáne beınematerıaldardy óńdeýge, janýarlardy avtomatty túrde anyqtap, olardyń sanyn esepteýge múmkindik beredi, — delingen habarlamada.
Buǵan deıin ShQO-da janýarlardy qorǵaý mekemesinen 11,3 mln teńgeniń zańbuzýshylyǵy anyqtalǵanyn jazǵanbyz.
