Tabıǵı apattardy aldyn alý júıesinde olqylyqtar bar - Senat spıkeri
ASTANA. QazAqparat - Tabıǵı apattardyń saldarlaryn aldyn alý sharalaryn josparlaý ádistemesi qaıta qaralýy tıis.Bul týraly búgin QR Parlamenti Senatynyń spıkeri Qasym-Jomart Toqaev málim etti, dep xabarlaıdy QazAqparat.
"Bizdiń azamattar qaıǵysymen jalǵyz qalmaýy kerek. Memleket tótenshe jaǵdaılardyń saldarynan japa shekken azamattarǵa kómek kórsetip, bul úrdisti jalǵastyratyn bolady. Ýaqyt kórsetip otyrǵanyndaı, memlekettiń tabıǵı apattar saldarlaryn aldyn alý júıesinde olqylyqtar bar, ony joıýymyz kerek. Bizdińshe, tabıǵı apattardyń saldarlaryn aldyn alý sharalaryn josparlaý ádistemesi qaıta qaralýy tıis. Bul ádisteme qolda bar problemalardy taldaý barysynda, jaǵdaıdy josparlaý negizinde jáne mindetterdi keshendi sheshý jaǵdaıynda qurylýy shart", - dedi Qasym-Jomart Toqaev QR Parlamenti Senatynyń azamattyq qorǵaý júıesin jetildirý máselelerine arnalǵan qoǵamdyq tyńdaýda.
Senat tóraǵasy texnogendi apattarǵa qatysty kózqaras Oıkogam deklaratsııasynyń úndeýimen, ıaǵnı "apattyń saldarlarymen kúreskenshe - ony aldyn alǵan durys" sáıkes bolýy kerektigin aıtty.
"Úkimet pen jergilikti atqarýshy organdarǵa tótenshe jaǵdaılardy aldyn alý sharalaryna bıýdjetten qarajat qarastyrýlary qajet. Al fors-major jaǵdaılarda olardyń saldarlaryn joıýǵa aqsha bıýdjette kórsetilgeni lázim.
Azamattyq qorǵanys syndy memlekettiń mańyzdy salasy tıisti deńgeıde qarjylandyrylýy tıis dep sanaımyz, senatorlar ІІM-niń qutqarý jasaqtaryn bıýdjetten tıisti deńgeıde qarjylandyrý úshin qoldaý jasaıdy dep oılaımyn", - dep túıdi sózin Q. Toqaev.
