Tabıǵı apattan keıin kúnshyǵys elinen eshqandaı taýar ákelingen joq - «Áýejaı-Astana» keden beketiniń bastyǵy
ASTANA. 18 sáýir. QazAqparat /Aıdar Ospanalıev/ - «Tabıǵı apattan keıin kúnshyǵys elinen eshqandaı taýar ákelingen joq»,-dedi «Áýejaı-Astana» keden beketiniń bastyǵy, keden qyzmetiniń podpolkovnıgi Sanat Nurqııasov osy máselege baılanysty QazAqparat tilshisine bergen suhbatynda.
Onyń sózine qaraǵanda, keden beketine Japonııadan ákelinetin avtokólik bólshekteriniń Eýropa Odaǵyna múshe elderi arqyly jetkizildi. «Áýejaı tek qana kedendik shekara emes, bul elimizdiń ishki jáne syrtqy baılanysyn jalǵastyryp turǵan kópir ispettes. Munda tek kedenshiler emes, baqylaýǵa qatysy bar barlyq qyzmetter bar. Syrttan ákelinetin zattar, qatań ári jiti baqylaýda. Onyń ishinde biz jalpy radıatsııalyq qaýipsizdendirý keshenin "ıAntardi" paıdalanamyz. Kedendik baqylaýdyń tehnıkalyq quraldary, dozımetrler arqyly jolaýshylardy ne olardyń qol júgi, taýarlar, qoımalardyń orny radıatsııalyq qaýipsizdizdigi jaǵynan tekseriledi», - dedi S.Nurqııasov.
Onyń aıtýynsha, elordamyzdyń keıpi ózgerip, halqy kóbeıgen saıyn áýe kólikteri arqyly qatynaıtyndardyń qatary artýda. Jyl basynan beri 52 myń 882 jolaýshy respýblıkamyzdyń aımaǵyna ushyp kelse, 53 myń 283 jolaýshy elimizden ushyp ketken.
Al elimizge keletin halyqaralyq áýe reısteriniń sany - 683.
