Tabıǵaty ásem, tamaǵy dámdi: Dımash Qudaıbergenniń kontsertine kelgen sheteldikterdiń áseri
«Biz Dımashtyń kontsertine dúısenbi kúni Slovakııadan arnaıy ushyp keldik. Buryn sáýir aıynda Pragada onyń kontsertinde bolǵanbyz. Bizge onyń óneri qatty unaıdy. Qazir biz 20 adambyz jáne biz Qazaqstanǵa alǵash ret kelip otyrmyz. Alǵan áserimiz keremet. Mundaǵy tabıǵat óte ádemi, tamaǵy dámdi, onyń ústine biz jylqy etin jep kórdik. Biz Almatyda Kók bazar, Kóktóbe men Kólsaıǵa bardyq, endi Medeýge barmaqshymyz», - dedi Slovakııadan kelgen qonaqtar ıAroslava men Inna.
Frantsııa men AQSh-tan kelgen qonaqtar da Qazaqstannyń tabıǵatyna tánti boldy. Olar da elimizge alǵash kelgen. Súıikti ánshileriniń jeke kontsertine birneshe kún buryn ushyp kelgen.
Dımashtyń qazaqstandyq jankúıerleri az emes. Keıbireýler onymen 10 jyldan astam ýaqyt tanys. Ánshiniń jankúıerleri Sáýle, Sholpan jáne Gúlnardyń kóp adamnyń arasynan erekshe kózge tústi. Olar ánshiniń portreti bar birdeı fýtbolkalarmen júrdi jáne qoldarynda sharf boldy.
Qyzdardyń aıtýynsha, olar súıikti ánshileriniń kontsertteri qaı jerde ótse de, olardy jibermeýge tyrysady.
«Biz bul kontserttiń súıikti qalamyzda ótýin uzaq kúttik. Bizge Dımashtyń barlyq ánderi unaıdy», - dedi olar.
Eske salaıyq, Almatyda Dımash Qudaıbergenniń «STRANGER» atty jeke kontserti ótti. Bul Dımashtyń Almatyda ótkizgen alǵashqy kontserti ótti.
Sondaı-aq Dımash Qudaıbergenniń kontserti kezinde Almaty polıtsııasy kúsheıtilgen rejımde jumys istedi. ıAǵnı, shoý kezinde qoǵamdyq tártip pen jol qaýipsizdigin qamtamasyz etýge 2,5 myńnan astam tártip saqshysy jumyldyryldy.
