Tabıǵattyń tosyn minezinen zardap shekken Mońǵolııaǵa bizdiń de kómektesýimiz kerek - Májilis depýtaty
ASTANA. Naýryzdyń 10-y. QazAqparat /Aıdar Ospanalıev/ - Májilis depýtaty Amangeldi Momyshev búgin jalpy otyrysta tabıǵattyń tosyn minezinen maldary qyrylyp,
jut bolyp jatqan Mońǵolııaǵa Qytaıdyń da, Reseıdiń de qolushyn sozyp, al Qazaqstannyń bul máselede únsiz otyrǵandyǵyna óz pikirin bildirdi, dep habarlaıdy QazAqparat.
«Biz Gaıtıge kómektestik, al janymyzda otyrǵan qazaǵy kóp Mońǵolııaǵa nege kómektesýge asyqpaımyz. Olar qazir Birikken Ulttar Uıymynan da kómek surap otyr. Al biz nege únsizbiz. Men mundaı kózqarasty túsinbeımin. Úkimet bul máseleni jan-jaqty qarastyryp, tıisti shara qoldanýy qajet», dedi depýtat.
