Tabıǵattyń tosyn minezi Japonııada 1,4 myń úıdi jaryqsyz qaldyrdy
ASTANA. QazAqparat - Japonııada 1,4 myńnan astam úı qatty jaýǵan qardyń saldarynan elektr energııasynsyz qaldy, dep habarlady Rosbalt.
NHK telearnasynyń Shikoku Electic Power Co energetıkalyq kompanııasyna silteme jasap habarlaýynsha, Kıýsıý aralynyń shyǵysyndaǵy Tokýsıma prefektýrasynyń tórt eldi mekeni jaryqsyz qaldy. Barlyǵy 1444 úıde elektr energııasy joq. Keshe osy aýdanda eki er adam qatty jaýǵan qardyń qurbany boldy.
Apta basynan beri Japonııanyń batys jaǵalaýynda tolassyz qar jaýyp tur. Aıtalyq, ótken táýlikterte ıAmagata prefektýrasynda qardyń qalyńdyǵy bir metrden asty. Joldardy tazalaýǵa ózin-ózi qorǵaý kúshteri jiberildi. Sınoptıkterdiń aıtýynsha, qar jaýýy eldiń ortalyq jáne soltústik aýdandarynda dúısenbige deıin tolastamaıdy.
