Tabıǵatty qorǵaý zańyn buzaǵandar jarty mıllıon teńge aıyppul tóleıtin boldy
ShYMKENT. QazAqparat - Túrkistan oblysynda «Brakoner» jedel-profılaktıkalyq is-sharasyn júrgizgen polıtseıler júzden astam quqyqbuzýshylyqty anyqtady, dep habarlaıdy QazAqparat tilshisi.
20-24 qazan aralyǵynda ótken shara barysynda tabıǵatty qorǵaý polıtsııa qyzmetkerleri 6 ekologııalyq qylmys pen 99 ákimshilik quqyqbuzýshylyq áreketin tirkedi. Tártip saqshylary Keles aýdanynda jergilikti turǵynnyń kóligin tekserý barysynda, balyq aýlaıtyn zattar men 15 keli zańsyz aýlanǵan balyq tabyldy. Jaýap alý kezinde bul turǵynnyń Syrdarııa ózeninen zańsyz balyq aýlaǵany anyqtaldy.
Sondaı-aq, polıtseıler aǵashtar men butalardy zańsyz kesý jáıtterin anyqtady. Otyrar aýdanynda turǵyndar sekseýil aǵashtaryn zańsyz kesip, ony eki júk kóligine artyp kele jatqan. Anyqtalǵan barlyq zańbuzýshylyq áreketter boıynsha sotqa deıingi tergeý amaldary júrgizilýde.
Tabıǵatty qorǵaý zańdylyǵyn buzǵany úshin 99 ákimshilik quqyqbuzýshylyq boıynsha jarty mıllıon teńge kóleminde aıyppul salyndy.
