Tabıǵatty qorǵaý salasyndaǵy quqyq buzýshylyqtarǵa jaýapkershilik artady
ASTANA. 20 sáýir. QazAqparat /Qanat Mámetqazyuly/ - Búgin QR Parlamenti Májilisiniń jalpy otyrysynda palata depýtattary «QR keıbir zańnamalyq aktilerine orman sharýashylyǵy,
janýarlar dúnıesi jáne erekshe qorǵalatyn tabıǵı aýmaqtar máseleleri boıynsha ózgerister men tolyqtyrýlar engizý týraly» zań jobasyn birinshi oqylymda maquldady.
Qujatty ázirleýdegi negizgi maqsat orman sharýashylyǵy, janýarlar dúnıesi jáne erekshe qorǵalatyn tabıǵı aýmaqtar salasyndaǵy zańnamany qazirgi zamanǵy áleýmettik jáne ekonomıkalyq jaǵdaılarǵa sáıkes keltirý bolyp tabylady. Sonymen birge, zań jobasynda atalǵan salalardaǵy quqyqtyq qatynastardy jetildirý, sybaılas jemqorlyq sıpatyndaǵy buzýshylyqtarǵa ákep soǵýy múmkin normalardy joıý, bıologııalyq sanalýandyqty saqtaýǵa jáne paıdalanýǵa qol jetkizý sharalary kózdeledi. Tutastaı alǵanda zań jobasy tabıǵatty qorǵaý quqyq buzýshylyqtary úshin jaýapkershilikti arttyrý máselelerin de qamtıdy. Bul rette memlekettik, atap aıtqanda «semeı ormany» men «ertis ormany» tabıǵı rezervattar aýmaǵynda zańsyz aǵash kesýlermen kúres sharalary qataıtylady. Al brakonerlikpen kúres sharalaryn qataıtý úshin zańsyz ań aýlaý kezinde qylmystyq áreketter obektisi, qylmys jasaý qarýy nemese quraly bolyp tabylatyn múlikti mindetti túrde tárkileý týraly norma engiziledi.
