Tabıǵatty qorǵaý prokýrorlary Qaırat Qojamjarovtyń synyna ilikti
Bas prokýror tabıǵatty qorǵaý prokýrorlarynyń qyzmetin synap, olardyń enjarlyǵyn, jumys tıimdiliginiń tómendigin, ekologııalyq zańnama buzýshylyqtaryna der ýaqytynda qarsy áreket etpeýlerin synady.
«Kúnsaıyn derlik BAQ-ta, áleýmettik jelilerde qoǵam qorshaǵan ortaǵa zııandy áserlerdiń saldarynan densaýlyqty qorǵaý máselelerin jarııa talqylap jatady. Ókiletti memlekettik organdarǵa atmosfera aýasynyń lastanýyna qarsy áreketsizdik, aýyzsýdyń joqtyǵy, turmystyq haldyqtardyń beı-bereket saqtalýy, sý tasqyny máselelerine qatysty syn bar. Munyń barlyǵy da ekologııa salasyndaǵy jaǵdaıdy jaqsartý boıynsha naqty usynystar ázirleýdi talap etedi», - dedi Qaırat Qojamjarov.
Bas prokýror Ońtústik Qazaqstan oblysy prokýrorlarynyń nazaryn sý qorǵaý aımaqtarynda jer telimderin bólý, turmystyq qatty qaldyqtardy joıý máselelerine aýdardy. Al Shyǵys Qazaqstan oblysy prokýrorlaryna atmosfera aýasynyń lastanýy, jekelegen eldi mekenderdi taza aýyz sýmen qamtamasyz etý máselesin jiti nazarda ustaý tapsyryldy. Aqmolalyq prokýrorlarǵa Şýche-Býrabaı kýrortty aımaǵyn damytýǵa bólingen bıýdjet qarajatynyń tıimdi paıdalanýyn baqylaýǵa alý júkteldi. Mańǵystaý oblysynyń prokýrorlary bortynda munaı ónimderi bar teńiz kemelerin ýtılızatsııalaý problemalary men óndiristik qaldyqtarmen jerdiń lastanýy máselesin qaperde ustaıtyn bolady.
Sonymen qatar Qaırat Qojamjarov aǵymdaǵy jylǵa arnalǵan qorshaǵan ortany qorǵaý salasyndaǵy zańdylyqqa prokýrorlyq qadaǵalaý tıimdiligin arttyrý sharalarynyń keshendi josparyn ázirleýdi tapsyrdy.
Munan bólek, Bas prokýror qorshaǵan ortany qorǵaý úshin «Nurly jol», «2020 jylǵa deıin óńirlerdi damytý», «2021 jylǵa deıin agroónerkásip keshenin damytý» memlekettik baǵdarlamalaryn júzege asyrýǵa bólingen bıýdjet qarajattarynyń tıimdi jumsalýyn qadaǵalaýdy tapsyrdy.
Keńes qorytyndysynda birqatar naqty tapsyrma berildi.
