Tabıǵatty qorǵaý mekemeleri qyzmetkerleriniń jalaqysy eki ese ósedi
«Esterińizge sala keteıik, jalaqy kóterý máselesi adamnyń densaýlyǵy men ómirine zııan keltirý qaýpimen baılanysty jumyskerlerge, ıaǵnı memlekettik orman kúzeti qyzmeti, tabıǵat qorǵaý mekemeleriniń memlekettik ınspektorlary jáne janýarlar dúnıesin qorǵaý jónindegi mamandandyrylǵan uıymdardyń ınspektorlaryna taǵaıyndalǵan bolatyn», - dep jazdy Eńbek jáne halyqty áleýmettik qorǵaý mınıstrligi.
Sonymen qatar, vedomstvo orman sharýashylyǵy qyzmetkerleriniń jumys berýshileri men kásipodaqtarynyń ókilderimen birlesip, 2025 jylǵa deıin qosalqy personal men tabıǵat qorǵaý uıymdarynyń shtattan tys qyzmetkerleriniń jalaqysyn 2 esege ulǵaıtý boıynsha sheshim qabyldady (2023 jylǵy 1 shildeden bastap 70%-ǵa, 2024 jylǵy 1 qańtardan bastap 85%-ǵa jáne 2025 jylǵy 1 qańtardan bastap 100%-ǵa).
Osylaısha qarjy, uıymdastyrý jáne óndiristik-sharýashylyq bólimderi qyzmetkerleriniń, júrgizýshilerdiń, traktorısterdiń, óndiristik jáne ákimshilik úı-jaılardy tazalaýshylardyń jáne ormandy qalpyna keltirý, orman qorǵaý jáne orman sharýashylyǵy jumystarymen aınalysatyn ýaqytsha jáne maýsymdyq jumysshylardyń jalaqylary óspek.