Tabıǵatty qorǵaý ınspektory qandaı jaǵdaıda qarý qoldana alady

NUR-SULTAN. QazAqparat – QR Ekologııa, geologııa jáne tabıǵı resýrstar mınıstrligi tabıǵatty qorǵaý ınspektorlarynyń qarý qoldaný quzyretin ózgertýdi usyndy, dep habarlaıdy QazAqparat tilshisi.

Bul týraly mınıstrliktiń Orman sharýashylyǵy jáne janýarlar álemi komıteti Janýarlar álemi jáne ań sharýashylyǵy basqarmasynyń basshysy Aıtýar Týǵanbekov málim etti.

«Inspektorlardyń qarý qoldaný quqyǵy Úkimet qaýlysymen rettelgen. Qaýlyǵa sáıkes, ınspektor ózine qarýly shabýyl bolǵan jaǵdaıda ǵana aq ata alady. Jalpaq tilmen aıtqanda, brakonerdiń ózińe oq atqanyn kútý kerek degen sóz. Dál osy jaǵdaılar tizimin keńeıtkimiz keledi. ıAǵnı, ınspektordyń ómirine qaýip tóngende, ınspektor ámirine baǵynbaǵanda nemese qýǵan kezde toqtamasa, oq atýǵa ruqsat berýdi usynyp otyrmyz. Bul - zańnan týyndaǵan aktiler», - dedi A. Týǵanbekov elordada ótken baspasóz máslıhatynda.

Sonymen birge, brakonerlik úshin salynatyn aıyppul kóbeıtilip, Qylmystyq kodekske jańa bap engizilýi múmkin.

«Zańnamalyq bastamalar boıynsha, brakonerlik úshin aıyppuldar men jazalaý merzimderi uzartylady. Oǵan qosymsha, memlekettik ınspekorǵa aýyr zardap keltirý jáne ólimge ákep soǵýy boıynsha QR Qylmystyq kodeksine jańa bap engizemiz», - dedi spıker.

Mınıstrliktiń habarlaýynsha, atalǵan usynystar boıynsha 2020 jyldyń aqpan-naýryz aılarynda Jarlyq shyǵarý josparlanǵan.

Eske sala ketsek, 25 qazanda Qyzylorda oblysy Jalaǵash aýdanynda brakonerdi qýǵan qoryqshy Ádil Kenjeǵulov mert boldy. Ol - jyl basynan beri tabıǵatty qorǵaýda qaza tapqan úshinshi qoryqshy.