Tabıǵatty qorǵaý ınspektorlary jergilikti polıtsııanyń quramyna qosyldy

ASTANA. QazAqparat - Elbasynyń Jarlyǵymen qurylǵan jergilikti polıtsııanyń quramyna ýchaskelik polıtsııa, jol-patrýldik polıtsııa ókilderi, əıelderdi zorlyq-zombylyqtan qorǵaý jəne jasópirimder isi jónindegi ınmpektorlar men tabıǵatty qorǵaý polıtsııasynyń ınspektorlary kirip otyr. Bul týraly búgin Ortalyq kommýnıkatsııalar qyzmetinde ótken brıfıngte QR ІІM Memlekettik til jəne aqparat departamentiniń dırektory Almas Sadýbaev məlim etti.

«Elbasy Nursultan Nazarbaev «100 naqty qadam» Ult josparyn jarııalaǵannan beri de bir jyldaı ýaqyt ótti. Tıisti zańdar qabyldanyp, jumysyn bastap ketti. Sonyń biri - otyz úshinshi qadam, jergilikti polıtsııa qyzmetin qurý. 2016 jyldyń qańtar aıynan bastap, 16 oblys pen 208 aýdanda jergilikti polıtsııa qyzmetteri quryldy. Eń bastysy, jergilikti polıtsııany qurýdaǵy maqsat - ashyqtyq, aıqyndyq, sonymen qatar, halyq aldynda polıtsııanyń esep berýi»,-deı kele ol jergilikti polıtsııa qyzmetiniń basshysy jylyna eki ret əkimdikter men məslıhat aldynda esep berse, halyq aldynda bir ret esep beretinin eske saldy.
«Jergilikti polıtsııanyń quramyna ýchaskelik polıtsııa ókilderi, jol-patrýldik polıtsııa ókilderi, əıelderdi zorlyq-zombylyqtan qorǵaý jəne jasópirimder polıtsııasy men tabıǵatty qorǵaý polıtsııasynyń ınspektorlary kirip otyr. Búgingi kúnge deıin ýchaskelik polıtsııalar el boıynsha jeti myńnan asa kezdesý ótkizdi. Ótken jylmen salystyrǵanda, anyqtalǵan əkimshilik quqyq buzýshylyqtardyń sany 30 myńnan artyq boldy»,-dep atap ótti A.Sadýbaev.
Eske sala keteıik, «Qazaqstan Respýblıkasynyń keıbir zańnamalyq aktilerine jergilikti polıtsııa qyzmetiniń jumysy máseleleri boıynsha ózgerister men tolyqtyrýlar engizý týraly» Memleket basshysynyń Ult jospary - bes ınstıtýtsıonaldyq reformasyn iske asyrý jónindegi 100 naqty qadamynyń 30 jáne 31-qadamdaryn oryndaý maqsatynda ázirlengen.