Tabıǵatty búldirgen atyraýlyq turǵyndar 1,2 mln teńge aıyppul tóleıdi
Oblystyq polıtsııa departamenti baspasóz qyzmetiniń málimetinshe, «Taza Qazaqstan» respýblıkalyq aldyn alý is-sharasy jalǵasýda. Óńir polıtseıleri búginge deıin 600-ge jýyq hattama toltyrǵan.
«Bul is-sharany ótkizýdegi basty maqsat – ekologııalyq quqyq buzýshylyqtardy anyqtap, jolyn kesý, ekologııalyq jaǵdaıdy jaqsartý, oblys turǵyndaryna qorshaǵan ortaǵa, tabıǵatqa qamqorlyq tanytýdy túsindirý. Ásirese, adamdar kóp jınalatyn Jaıyq ózen jaǵalaýlary, Inder aýdanyndaǵy Tuzdykól jaǵalaýy Jylyoı aýdanyndaǵy Qamyskól jaǵalaýlary men demalys aımaqtaryna reıdter uıymdastyrylýda» - dedi oblystyq Polıtsııa departamentiniń bastyǵy Qamza Úmbetqalıev.
Onyń aıtýynsha, sý aıdyndarynyń jaǵalaýlarynda ishimdik iship, mas kúıinde júrýge qatysty –21, jasyl jelekterdi búldirý –28, belgililenbegen oryndarda balyq aýlaý – 47, ruqsat etilmegen jerde shomylý –247, temeki, qoqys qaldyqtaryn laqtyrý faktileri boıynsha 27 derek anyqtaldy. Quqyq buzýshylarǵa 1 242 680 teńge aıyppul salyndy.