Tabıǵattyń tosyn minezinen Katonqaraǵaıda aǵashtar qoparylyp jatyr
Shyǵys Qazaqstan oblysy Katonqaraı aýdanyndaǵy ulttyq parkte eki kún toqtaýsyz jaýǵan qar aralas jańbyrdan aǵashtar synyp, tamyrymen qoparylyp jatyr, dep habarlaıdy QazAqparat tilshisi.
Qyrkúıek aıynyń 25-26 kúnderi oblysta qar jaýǵan. Onyń ishinde Katonqaraǵaı ulttyq parkinde eki kún boıy qar aralas jańbyr jaýdy.
«Sonyń saldarynan japyraqtary áli túsip úlgermegen qaıyń, kókterek aǵashtary jappaı zaqymdanyp, bel ortasynan synyp, tamyrymen qoparyldy. Qazirgi ýaqytta qulaǵan, synǵan aǵashtardan joldardy ashý jáne esepke alý jumystary júrgizilip jatyr», – dep habarlady ulttyq parkten.
Eske salsaq, osyǵan deıin Marqakólde eki kún qar jaýyp, onyń qalyńdyǵy 30 sm jetken bolatyn.
Bul óńirdegi alǵashqy qar emes. Tamyz aıynyń ortasynda Katonqaraǵaı aýdanyndaǵy Altaı taýynyń eń bıik núktesi Muztaý shyńyna qar túsken bolatyn.
Posmotret etý pýblıkatsııý v Instagram
