Tabıǵatty saqtaıtyn jańa býyn: oqýshylardyń úzdik jobalary marapattaldy
ASTANA. KAZINFORM — Astanada 5-8 synyp oqýshylaryna arnalǵan «ProEco» ekologııalyq jobalar konkýrsynyń jeńimpazdary men júldegerlerin marapattaý rásimi ótti. Baıqaý ekologııalyq máselelerge qyzyǵýshylyq tanytatyn, zertteý qabileti joǵary daryndy oqýshylardy anyqtaý jáne qoldaýǵa baǵyttalǵan. Bul týraly Oqý-aǵartý mınıstrligi málim etti.
Saıysqa elimizdiń ár óńirinen 105 bala qatysty. Jobalardy elimizdiń jetekshi joǵary oqý oryndarynyń ǵalymdary men oqytýshylary baǵalady. Konkýrs qorytyndysy boıynsha qatysýshylardyń 45 paıyzy júldeli oryndarǵa ıe boldy. Atap aıtqanda, І dárejeli dıplommen 9 jeńimpaz, ІІ dárejeli dıplommen 15 júldeger, ІІІ dárejeli dıplommen 25 oqýshy marapattaldy. Sonymen qatar 19 qatysýshyǵa gramotalar tabystaldy.
Konkýrs tórt negizgi baǵyt boıynsha ótkizildi: «Týǵan ólke tabıǵaty», «Meni qorshaǵan álem — ǵajaıyp álem», «Úzdik ekologııalyq bastama» jáne «Taza qala sizden bastalady». Ár baǵyt aıasynda oqýshylar ekologııalyq mazmundaǵy zertteý, shyǵarmashylyq jáne praktıkalyq jobalaryn usyndy.
Eske sala keteıik, elordalyq oqýshylar Ulybrıtanııadaǵy halyqaralyq chempıonattyń jeńimpazy atandy.
