Tabıǵatqa janashyr urpaq: Atyraýda jańa «Eco Lab» ashyldy
ATYRAÝ. KAZINFORM - Atyraýda oqýshylardyń ekologııalyq saýattylyǵyn arttyrýǵa baǵyttalǵan «Eso Lab» ekologııalyq buryshy ashyldy.
«Taza Qazaqstan» baǵdarlamasy aıasynda qolǵa alynǵan mańyzdy joba Aqjar aýylyndaǵy &44 mektep-gımnazııasynda qolǵa alyndy. Keń aýqymdy joba sheńberinde ata-analardyń qoldaýymen mektep aýlasyna tal egildi. Olardyń qatarynda jemis aǵashtary da bar. Osylaısha ustazdar men oqýshylar tabıǵatqa degen janashyrlyǵyn erekshe formatta kórsetti.
- Atalǵan joba – bilim alýshylardyń ekologııalyq saýatyn arttyrýǵa, qorshaǵan ortaǵa degen jaýapkershiligin qalyptastyrýǵa baǵyttalǵan mańyzdy bastama. «EcoLab» buryshy oqýshylarǵa tabıǵatty zerttep, ekologııalyq máselelerdi túsinýge, sondaı-aq kúndelikti ómirde tabıǵatty qorǵaý daǵdylaryn qalyptastyrýǵa múmkindik beredi, - deıdi №44 mektep-gımnazııasynyń dırektory Abaı Aqmýrzıev.
Ekoburyshta kójekter, totyqustar, balapandar, tasbaqalar jáne akvarıýmdaǵy balyqtar bar. Sondaı-aq, oqýshylar arnaıy jylyjaı uıymdastyryp, qyzanaq pen qııardy baptap ósirip otyr. Ekoburyshtyń ashylý saltanatynda oqýshylar sýdy únemdeý, úı jaǵdaıynda janartaý jasaý joldarynan zerthanalyq jumystar kórsetti. Al jańa ekoburyshtyń lentasyn oblystyq «Atyraý» qoǵamdyq-saıası gazeti bas redaktorynyń orynbasary Azamat Bazarbaev pen oblystyq tabıǵı resýrstar jáne tabıǵat paıdalanýdy retteý basqarmasy basshysynyń orynbasary Gúlaıym Teleýbaeva qıdy.
Sharaǵa qatysýshylar men qonaqtar jobanyń aýqymy keńeıip, úlken bastamalardyń bastaýy bolatynyna senim bildiretinin jetkizdi.
