Tabıǵatqa degen qurmet ár otbasydan bastalady – eko-trener

Darııa Ǵalymjanqyzy 2009 jyldan beri ekologııalyq baǵytta jumys istep keledi. Osy ýaqyt ishinde ol ekologııalyq mádenıetti qalyptastyrýǵa arnalǵan birqatar jobalardy júzege asyrǵan.

— Osy ýaqyt ishinde shyǵarmashylyq stýdııa ashyp, balalarǵa ekologııany art-terapııa arqyly túsindirýdi jolǵa qoıdym. Qaldyq materıaldardan túrli buıymdar jasaımyz. Balalarǵa shyǵarmashylyq tásil arqyly sýdy únemdeý, energııany únemdeý sııaqty ekologııalyq máselelerdi qarapaıym tilmen túsindiremin. Osy baǵytta art-eko sabaqtar ótkizip kelemin, - dedi ol.

Onyń aıtýynsha, oǵan eresekterge qaraǵanda balalarmen jumys isteý jeńilirek.

— Eresektermen salystyrǵanda balalarmen til tabysý jeńilirek. Olar alǵyr, qyzyǵýshylyǵy joǵary. Ár aıtqan aqparatty tańdanyspen qabyldap, birden suraq qoıyp, belsendilik tanytady. Qoqysty ne úshin suryptaý kerek, ony qalaı bólemiz — osynyń bárin túsindirgende olar muqııat tyńdaıdy, - dedi eko-trener.

Spıker sózinshe, 15 jyl buryn ekologııa týraly áńgime az bolsa, búginde bul taqyrypty adamdardyń ózderi kóterip, kúndelikti ómirde qoldana bastaǵan.

— Buryn ekologııa týraly aıtylsa, tek mamandardyń taqyryby sııaqty kórinetin. Qazir adamdar polıetılen paketterdi qaıta qoldanýǵa nemese múlde bas tartýǵa tyrysady, ekoshoperler paıdalanady, qaldyqtardy bólek jınaýǵa mán beredi. Kópshilik ekologııalyq aqparatty ózderi izdep, eko saýatyn arttyryp keledi. Keıde adamdar «ekologııaǵa men qalaı úles qosa alamyn, jalǵyz ózim ne ózgerte alamyn?» degen suraq qoıady. Biraq kez kelgen úlken ózgeris bir adamnyń durys tańdaýynan bastalady. Sondyqtan ár adam ekologııaǵa úles qosa alady, tek bastaý mańyzdy, - Darııa Ǵalymjanqyzy.

Aıta keteıik, Ulytaý jastary ekologııalyq mádenıetti qalyptastyrýǵa atsalysty.