Tabıǵat resýrstary jáne tabıǵat paıdalanýdy retteý basqarmasy brakonerlikke qarsy kúres jumys nátıjelerin shyǵardy
ÓSKEMEN. 12 qańtar. QazAqparat /Lıýdmıla Malko/ - Shyǵys Qazaqstan oblysynyń Tabıǵat resýrstary jáne tabıǵat paıdalanýdy retteý basqarmasynyń mamandary brakonerlik jasaıtyn 386 quraldy tárkiledi, olardyń arasynda 86 birlik atys qarýy, 152 aý men 94 ózge de brakonerlik jasaý quraldary bar.
Bólim bastyǵy Asqar Shyntemirovtyń aıtýynsha, 2010 jyldyń 12 aıynda olar 5,5 myńnan astam reıd uıymdastyrdy, ormandardy, janýarlar álemi men balyq sharýashylyǵyn qorǵaý salasyndaǵy tabıǵat zańnamasyn saqtaýǵa qatysty 1,5 myń tekseris júrgizildi.
Osy atqarylǵan úlken jáne tyńǵylyqty sharalar nátıjesinde 1067 zań buzýshylyq anyqtaldy, olardyń arasynda 666-sy orman zańnamasyn buzýǵa qatysty, taǵy 239-y ańshylyq erejesin buzý da bar. Qylmystyq jaýapkershilikke 8 adam, ákimshilik jaýapkershilikke 803 adam tartyldy, olardyń ishinde 47 adam - laýazymdy tulǵalar. Quqyq buzýshylarǵa qatysty 6 430,3 myń teńgege ákimshilik aıyp salyndy (onyń 5 892,2 myńy óndirilip alyndy). 13 584,2 myń teńgege talap jasaldy.
