Tabıǵat órtin aýyzdyqtaýǵa laıyqtalǵan úsh Be-200 amfıbııa ushaqtaryn satyp alý qajet - TJM
ASTANA. Tamyzdyń 9-y. QazAqparat /Rýslan Ǵabbasov/ - Búgin Úkimette ótken selektorlyq keńeste QR Tótenshe jaǵdaılar vıtse-mınıstri Valerıı Petrov tabıǵat órtin sóndirýge arnalǵan úsh Be-200 amfıbııa ushaqtaryn satyp alýdy usyndy.
«Elimizde bolatyn tabıǵat órtin tıimdi sóndirýge arnalǵan úsh Be-200 amfıbııa ushaqtaryn satyp alý qajet. Bul ushaqtar Reseı aýmaqtaryndaǵy órtterdi sóndirý kezindegi synyqta tıimdilik tanytyp otyr,- dedi V. Petrov. Onyń aıtýynsha, birinshi kezeńde osyndaı bir ushaqty satyp alyp, ony Astana mańynda ustap, sondaı-aq respýblıkanyń barlyq aýmaǵyna barý múmkindigin qarastyrý kerek.
Vıtse-mınıstrdiń sózine qaraǵanda, Tótenshe jaǵdaılar mınıstrligi kúshteriniń tobynda tabıǵat órtin aýyzdyqtaýǵa arnalǵan 238 arnaıy tehnıka bar. Osy oraıda ol tehnıkalardyń basym bóligi 1970-1980 jyldary shyǵarylǵanyn jáne eskirgenin aıtyp ótti. «Atap aıtqanda, búginde osy avtokólik parkin jańartý qajettiligi týyndap otyr»,-dedi V. Petrov.
