TABIǴAT: Ómir úshin arpalysqan toqyldaq aqqalaqty arqalap ushty
ASTANA. QazAqparat - London qalasynyń Horncherch (Hornchurch) saıabaǵynda áýesqoı fotograf Martın Le-Meı (Martin Le-May) aqqalaqtyń toqyldaqqa minip ushqan sátin sýretke túsirip aldy, dep jazady Lenta. rý.
Ornıtolog ǵalym Djeıson Ýordtyń (Jason Ward) Tvıtterdegi paraqshasynda alǵash ret jarııalaǵan fotosýret bir táýlikke jeter jetpes ýaqytta 6,5 myńǵa jýyq ret retvıt jasalady. Foto 5 myń ret tańdaýly sýret retinde jarııalandy. Fotoda aqqalaq toqyldaqtyń arqasyna minip, ushyp bara jatqandaı kórinedi. «Business Insider» jarııalaǵan kelesi sýretterde qus pen aqqalaqtyń jerge qulap, ómir úshin arpalasyp jatqany beınelengen. Le-Meı-diń aıtýynsha, aqqalaqtyń toqyldaqqa minip ushqysy kelgendikten emes, ony jep qoıǵysy kelip, jarmasyp alǵan. Al toqyldaq qorǵaný úshin áýege kóterilgen. Qalaı bolǵanda da haıýanattar áleminiń bul tosyn qylyǵy adamdardyń tańdanysyn týǵyzyp, qyzyǵýshylyǵyn arttyrdy.
