Tabıǵat qorǵaý uıymdarynyń shtattan tys qyzmetkerleriniń de jalaqysy ósedi
«Azamattyq qyzmetshilerge, memlekettik bıýdjet qarajaty esebinen ustalatyn uıymdardyń qyzmetkerlerine, qazynalyq kásiporyndardyń qyzmetkerlerine eńbekaqy tóleý júıesi týraly» Qazaqstan Respýblıkasy Úkimetiniń 2015 jylǵy 31 jeltoqsandaǵy № 1193 qaýlysyna tolyqtyrý engizý týraly» Qazaqstan Respýblıkasy Úkimetiniń 2023 jylǵy 14 shildedegi № 581 Qaýlysy qabyldandy.
Qaýlyǵa sáıkes ústemeaqylar memlekettik orman kúzeti qyzmetteriniń shtattyq qyzmetkerlerine, tabıǵat qorǵaý mekemeleriniń memlekettik ınspektorlaryna jáne janýarlar dúnıesin qorǵaý jónindegi mamandandyrylǵan uıymdardyń, balyq sharýashylyǵy sý aıdyndaryn balyqtandyrý jónindegi ósimin molaıtý kesheniniń memlekettik kásiporyndarynyń ınspektorlaryna kózdelgen.
«Qaýlynyń jobasyn múddeli memlekettik organdarmen kelisý barysynda orman sharýashylyǵynyń shtattan tys qyzmetkerlerine joǵaryda atalǵan ústemeaqylardy belgileý jónindegi norma, qaýlynyń erejeleri shtattan tys qyzmetkerlerge qoldanylmaıtyndyǵyna, olar azamattyq qyzmetshiler bolyp tabylmaıtyndyǵyna baılanysty qoldaý kórsetilmedi.
Osy máseleni sheshý maqsatynda mınıstrlik orman sharýashylyǵy qyzmetkerleriniń jumys berýshilerimen kásiptik odaqtarynyń ókilderimen birlesip, bıýdjet qarajatyn únemdeý jáne taýarlardy ótkizý esebinen shtatqa kiretin ákimshilik qyzmetshiler men tabıǵatty qorǵaý uıymdarynyń shtattan tys jumyskerleri úshin jalaqyny ulǵaıtý múmkindigin kózdeıtin Salalyq kelisim (Eńbek jáne áleýmettik qorǵaý mınıstrliginde tirkelgen) jasasty ( 2023 jylǵy 1 shildeden bastap 70% - ǵa, 2024 jylǵy 1 qańtardan bastap 85% - ǵa jáne 2025 jylǵy 1 qańtardan bastap 100%-ǵa)», - dep jazdy Ekologııa jáne tabıǵı resýrstar mınıstrliginen.
Qazirgi ýaqytta shtatqa kiretin ákimshilik qyzmetshilerdi jáne tabıǵatty qorǵaý uıymdarynyń shtattan tys qyzmetkerlerin ústemeaqymen qamtamasyz etý máselesi Qazaqstan Respýblıkasynyń Qarjy mınıstrligimen pysyqtalýda.
