Tabıǵat aıasynda birge demalǵan 12 elordalyq jaýapqa tartyldy
NUR-SULTAN. QazAqparat - Elorda turǵyndary karantın rejımin buzyp, tabıǵat aıasyna shyǵyp, balyq aýlaǵan, dep habarlaıdy QazAqparat.
«Tótenshe jaǵdaı rejımi kezeńinde jergilikti polıtsııa qyzmetkerleri tártip buzýshylardy anyqtaýda. 13 sáýir kúni bolǵan reıdtik shara kezinde polıtsııa qyzmetkerleri Kóktal-1 aýylyndaǵy ózen jaǵasynda ýaqyt ótkizip, karantın rejımin buzǵan 12 adamdy ustaǵan», - delingen Nur-Sultan qalasy Polıtsııa departamentiniń baspasóz habarlamasynda.
Aýdandyq polıtsııa basqarmasyna jetkizilgenderdiń úsheýi bir otbasy músheleri. Olar tabıǵat aıasynda demalys uıymdastyrǵan.
«Ózen boıynda ustalǵan 12 adamnyń toǵyzy - balyqshylar. Olar tártipti buzyp, ózen jaǵasyna baryp, balyq aýlaǵan. Olarǵa 15 táýlikke qamaýǵa alý túrindegi ákimshilik jaza taǵaıyndaldy» - delingen habarlamada.
