Tabıǵat aýmaǵynda ot jaqqandar 300 myń teńgege deıin aıyppul tóleıdi
ALMATY. QazAqparat- Almatynyń taýly-ormandy jerlerinde órt qaýipsizdigi erejelerin buzǵany úshin 21 adam jaýapqa tartyldy, dep habarlaıdy QazAqparat tilshisi.
«Arnaıy reıd barysynda tabıǵat aıasynda demalýshylarǵa 10 myńǵa jýyq jadynama taratyldy. Sonymen qatar tekserý kezinde mamandar taýly jerde ot jaǵýdyń 39 jaǵdaıdyń aldyn aldy. 21 adam ákimshilik jaýapqa tartyldy, onyń ekeýine 76 575 teńgege aıyppul salyndy»,- dep habarlady qalalyq tótenshe jaǵdaılar departamentiniń baspasóz qyzmeti.
Aıta ketsek, orman sharýashylyǵy mekemeleri men tabıǵatty qorǵaý polıtsııasynyń qyzmetkerleri erekshe qorǵalatyn tabıǵı aýmaqtarda ot jaqqany úshin ákimshilik aıyppul salýǵa ýákiletti. Aıyppul somasy 30 myńnan 306 300 teńgege deıin.
«Osyǵan oraı, demalýshylardan temeki tuqylyn qurǵaq shópke tastamaýdy, ot jaqpaýdy jáne ashyq otty paıdalanbaýdy, shyny synyqtaryn jáne basqa da qoqystardy qaldyrmaýdy suraımyz. Іle-Alataý ulttyq parkinde, Alma -Arasanda, Úlken Almaty jáne Kazachka ózenderiniń boıynda tamaq daıyndaý úshin arnaıy jabdyqtalǵan oryndar (oryndyq, ústel, betondalǵan alań, mangal) bar. Sondyqtan shyrsha janynda ot jaǵýǵa qatań tyıym salynady»,- dep atap ótti departament mamandary.
Sonymen qatar, Medeý aýdanyndaǵy Medeý tabıǵı parkinde jáne Naýryzbaı aýdanyndaǵy Aqsaı shatqalynda ot jaǵýǵa bolmaıdy.
Buǵan deıin Almaty taýlarynda órttiń aldyn alý úshin dron paıdalanylatyny týraly jazǵan bolytynbyz.
