T.Júsipov reseılik boksshyny qapy qaldyrdy (FOTO)
ASTANA. QazAqparat Elordadaǵy «Dáýlet» sport kesheninde ótip jatqan Búkilálemdik boks serııasy (WSB) jobasynyń besinshi maýsymynyń jartylaı fınalynda «Astana arlandarynyń» boksshysy Temirtas Júsipov Reseıdiń «Rashn Boksın Tım» komandasynyń múshesi Vadım Kýdrıakovtan basym tústi.
Tóreshiler 5 raýnd boıy qazaqstandyq boksshynyń basymdyq tanytqanyn biraýyzdan moıyndady. Kelesi kezekte Qaırat Eralıev pen Vladımır Nıkıtın (56 keli) judyryqtasady. Aıta keteıik, elordadaǵy «Dáýlet» sport kesheninde Búkilálemdik boks serııasy (WSB) jobasynyń besinshi maýsymynyń jartylaı fınalynda «Astana arlandary» men Reseıdiń «Rashn Boksın Tım» komandasy arasyndaǵy kezdesý ótýde. Búgin 5 jup judyryqtasady. .Eki komanda arasyndaǵy qalǵan salmaq sanatyndaǵy boksshylardyń jekpe-jegi erteń ótedi. Bul kúni sharshy alańda Oljas Sáttibaev pen Karen Arýtıýnıan (52 keli), Zakır Safıýllın men Artýr Sýbhankýlov (60 keli), Aslanbek Shymbergenov pen ıAkýb Nýrıev (69 keli), Nurdáýlet Jarmanov pen Edýard ıAkýshev (81 keli), Erkin Muhamedjan men Dmıtrıı Zaıtsev (91 keliden joǵary) aıqasatyn bolady.
