T. Júrgenov atyndaǵy Ulttyq óner akademııasynyń oqytýshylary men stýdentteriniń kórmesi ótip jatyr

Búgin QR Tuńǵysh Prezıdenti murajaıynda kórmeniń saltanatty ashylý rásimi boldy.

Mádenı shara halyqaralyq «Úkili úmit» kórme jobasy aıasynda jasampaz jastar shyǵarmashylyǵyn qoldaý men damytý maqsatynda uıymdastyrylyp otyr.

Jurtshylyq nazaryna usynylǵan búgingi ekspozıtsııada qazirgi zamanǵy qazaq óneriniń túrli tehnıkasyn tanytatyn óner týyndylary kórsetilgen. Sonymen qatar kórmege belgili qylqalam sheberleri men bolashaǵynan zor úmit kúttiretin jas daryndardyń sýretteri men músinderi qoıylǵan.

Qazaqstandyq sýretshiler men músinshilerdiń jańa utymdy sheshimderi men qaıtalanbas dara ıdeıalaryn pash etken búgingi kórmege otandastarymyzben qatar Iran jáne Qytaı memleketiniń ókilderi de qatysty.