T.Jaılaýov QHL-dyń úzdik shabýylshylary tizimine endi

Lıganyń jańa maýsymy bastalǵaly beri T.Jaılaýov úsh shaıba jáne segiz paıdaly pas berdi. Sonyń arqasynda 11 upaıǵa ıe bolyp, Qurlyqtyq hokkeı lıgasynyń úzdik shabýylshysy tizimine endi. Qazir T.Jaılaýov úshinshi orynda tur. Birinshi orynda - onyń áriptesi Naıdjel Doýs (12 upaı), ekinshi orynda - «Metallýrg» komandasynyń oıynshysy ıAn Kovarj. Onyń úlesinde de on eki upaı bar. Aıta keteıik, «Avtomobılıst» (Ekaterınbor) komandasymen ótken keshegi matchta T.Jaılaýov dýbl jasap, eki birdeı shaıbanyń avtory atandy. Buǵan deıin ol «Avangardqa» (Omby) qarsy oıynda bir shaıbamen kózgen túsken edi. Jalpy, búginde «Barys» QHL-da eń kóp shaıba soqqan komanda bolyp sanaldy. Onyń úlesinde qarsylastardyń qaqpasyna salǵan 40 shaıba bar. Demek, «Barys» árbir oıynda shamamen 5 shaıba soǵyp otyrady. Ázirshe, bul eń úzdik kórsetkish.