T.Tóleshevtiń qylmystyq toby adamdardy uryp-soqqan sátterin beıne kameraǵa túsirip otyrǵan - UQK
ASTANA. QazAqparat - Burynǵy bıznesmen Toqtap Tóleshevtiń qylmystyq toby adamdarǵa zábir kórsetip, uryp-soqqan sátterin beıne kameraǵa túsirip otyrǵan. Bul týraly búgin Ulttyq qaýipsizdik komıteti baspasóz qyzmetiniń ókili Rýslan Qarasev málim etti.
«Tergeý kórsetip otyrǵandaı, Toqtar Tóleshevtiń buıryǵymen onyń qylmystyq toby adam óltirip, zańsyz adam urlap, olardy uryp-soǵatyn bolǵan. T.Tóleshevtiń aıtýymen, adamǵa jábir kórsetý sátteri foto jáne beıne kameraǵa túsirilip otyrǵan»,-dep málim etti R.Qarasev.
R.Qarasevtiń aıtýynsha, osy qylmystyq is aıasynda T.Tóleshevti tintý kezinde osyndaı materıaldar tabylǵan. Beınejazbalardaǵy adamdardyń kim ekendigi anyqtalǵan, endi olar sotta kýáger jáne zardap shegýshi retinde sóz sóıleıdi.
