T.Tóleshev halyqaralyq qylmystyq toptardy qoldap kelgen - UQK
ASTANA. QazAqparat - Bılikti basyp alýǵa áreket etti dep aıyptalyp otyrǵan burynǵy bıznesmen Toqtar Tóleshev halyqaralyq qylmystyq toptardy qarjylandyryp, olardy únemi qoldap kelgen.
Bul týraly búgin Ulttyq qaýipsizdik komıteti baspasóz qyzmetiniń ókili Rýslan Qarasev málim etti.
Toqtar Tóleshev pen onyń halyqaralyq sybaılastary ózderin «baýyrlas top» dep ataǵan. Al, T. Tóleshev osy transultty qylmystyq toptardyń basshylaryna qarjylaı kómek berip kelgen.
«Tergeý anyqtaǵandaı, T. Tóleshev «Hasan ata» atty laqap atymen tanymal Aslan Ýsoıanmen, «Tashkenttiń Jorasy» degen Georgıı Sorokınmen, «Mernyı Gafýr» atty laqap aty bar Gafýr Arslanbek Rahımovpen, «Býhar Maksım» atty laqap aty bar Nozın Jumaevpen, «Ilıas kóke» atty laqap atymen tanymal Ilıas Sultanovpen tyǵyz baılanysta bolǵan»,-deıdi Rýslan Qarasev.
Tergeý barysynda anyqtalǵandaı, T. Tóleshev joǵaryda aty atalǵan adamdarǵa jáne olardyń qylmystyq tobyna únemi iri kólemde qarjy aýdaryp otyrǵan.
