T. Tóleshev bılikti kúshpen basyp alýǵa daıyndyq jumystaryn júrgizdi - QR UQK

ASTANA. QazAqparat - Qamaýǵa alynǵan iri kásipker Toqtar Tóleshev bılikti kúshpen basyp alýǵa daıyndyq jumystaryn júrgizdi. Bul týraly búgin QR Bas prokýratýrasynda ótken brıfıngte QR Ulttyq qaýipsizdik komıteti baspasóz qyzmetiniń ókili Rýslan Karasev málim etti.

«Tergeýmen Tóleshevtiń buryn bılikti kúshpen basyp alýǵa daıyndyq jumystaryn júrgizgendigi, al ótken jyldan beri belsendi naqty áreketter qoldanǵandyǵy jóninde tolyq málimetter alynǵan. Onyń áreket josparynda qaýyrttylyq oshaqtaryn qurý arqyly eldegi jaǵdaıdy turaqsyzdandyrý, narazylyq aktsııalaryn jáne jappaı tártipsizdikterdi uıymdastyrý, onyń aıasynda balama úkimetti qalyptastyrýdy josparlaý jáne áreket etýshi bılik qurylymyn ózgertý qarastyrylǵan»,-dedi R. Karasev.