T.Rysqulov atyndaǵy QazEÝ-de qaıyrymdylyq kontserti ótti

Ony atalmysh oqý ornynyń Jastar isi jónindegi komıteti uıymdastyrdy.

Shákenge týa bitken júrek aqaýy degen dıgnoz qoıylǵan. Oǵan eki aıdyń ishinde qajet hırýrgııalyq kómek kórsetý kerek. Al, emge kerekti qarajat 7 myń AQSh dollary. Mundaı operatsııa Qazaqstanda jasalmaıdy. Jalǵyz múmkindik Tomsk qalasynda.

Osy jaǵdaıǵa baılanysty T.Rysqulov atyndaǵy QazEÝ-diń Jastar isi jónindegi komıteti Qazaqstan estradasy ártisteriniń qatysýymen qaıyrymdylyq kontsertin ótkizdi.

Kontsertten túsken barlyq qarjy Sháken Ádilǵazynyń esep shotyna aýdarylady.

«Búgingi qaıyrymdylyq sharasyna kelip otyrǵan jastardy kórip rıza bolyp turmyn. Bul - sizderdiń mundaı aýyr jaǵdaıǵa beı-jaı qaramaǵandyqtaryńyzdy bildiredi. Ár adam ómir súrýge quqyly. Árıne, búgingi jınalǵan qarjy qajetti somaǵa jetpeýi múmkin. Biraq, sizder az da bolsa ózderińizdiń azamattyq, adamı boryshymyzdy oryndadyq dep senińizder»,-dedi Ýnıversıtettiń tárbıe isi jónindegi prorektory Ádil Júnisov.