11:46, 23 Aqpan 2016 | GMT +6
T.Ohlopkova: Qazaqstandaǵy saılaýǵa 800-den astam sheteldik baıqaýshy qatysady
ASTANA. QazAqparat - Qazaqstandaǵy saılaýǵa 800-den astam sheteldik baıqaýshy qatysady. Bul týraly búgin QR Ortalyq saılaý komıssııasynyń múshesi Tatıana Ohlopkova málim etti.
«EQYU/DIAQB mıssııasynyń quramynda 400-den astam, TMD-dan baıqaýshylar mıssııasynyń quramynda - 300-den astam, ShYU mıssııasynyń quramynda 10-nan astam baıqaýshynyń kelýi kútilýde. Syrtqy ister mınıstrligi qazirgi kezde sheteldik BAQ-tyń 99 ókilin akkredıttedi», - dedi T.Ohlopkova.
Onyń atap ótýinshe, búginde Ortsaılaýkom Syrtqy ister mınıstrliginiń usynymy boıynsha EQYU/DIAQB mıssııasynan 40 baıqaýshyny jáne TMD baıqaýshylar mıssııasynan 12 baıqaýshyny akkredıttedi.
«Halyqaralyq baıqaý saılaý protsesi týraly eki jaqty bilim jáne aqparat almasýdy qamtamasyz etedi, berik halyqaralyq qatynastar men yntymaqtastyqty ornatýǵa járdemdesedi», - dep atap ótti OSK múshesi.
