T.Nurmaǵanbetovtyń «Qojanasyr tiri eken» atty komedııalyq qoıylymnyń premerasy ótedi
ALMATY. Jeltoqsannyń 7-si. QazAqparat /Názıra Eleýhan/ - Almatyda Qazaqtyń Memlekettik M.Áýezov atyndaǵy akademııalyq drama teatrynda jeltoqsan aıynyń 10 men 19-y kúnderi aralyǵynda Tynymbaı Nurmaǵanbetovtyń «Qojanasyr tiri eken» atty komedııalyq qoıylymnyń premerasy ótedi,
dep habarlaıdy QazAqparat.
Qoıylym oqıǵalary kúlki týdyra otyryp, halqymyzdyń, jalpy túrki áleminiń búgingi ahýalyn zerdeleı bilýge, bolashaǵy týraly oılanýǵa shaqyrady.
«Qojanasyr tiri eken» spektakliniń arqaýy búgingi kún. Onda Shyǵys jáne onyń ishinde túrki halyqtaryna ortaq folklorlyq keıipker Qojanasyrdyń, taza qazaq folklor keıipkerleri Aldar kóse men Tazshanyń kózimen kórinetin búgingi kún jáne onyń adamgershilik bet-beınesi kórsetiledi.
