T. Musabaev: Baıqońyrdaǵy múliktiń bári - Qazaqstannyń menshigi
«1994 jylǵy Qazaqstan Respýblıkasy men Reseı Federatsııasynyń arasyndaǵy kelisimshartqa sáıkes Baıqońyr aılaǵy Qazaqstan Respýblıkasynyń menshigi bolyp tabylady. ıAǵnı, Baıqońyr aılaǵyndaǵynyń barlyǵy Qazaqstanǵa tıesili degen sóz. Degenmen, biz onyń bárin Reseıge jylyna 115 mıllıon dollarǵa jalǵa berip otyrmyz», - dep túsindirdi agenttik basshysy. Sonymen qatar, keltirilgen málimetterge qaraǵanda, 2009 jyly Baıqońyrdaǵy múliktiń barlyǵyna esep júrgizilgen. Onyń ishinde 4 myńǵa tarta ǵımarat, tehnologııalyq júıe men qondyrǵylar, 100 shaqyrymdy quraıtyn jeliler esepke alynyp, baǵalanǵan. Endi kelisimshartqa sıekes, árbir tórt jylda esep júrgizilip turady.
Buǵan deıin habarlanǵanyndaı, «Zenıt-M» zymyrandyq keshenindegi Reseıge jalǵa berýden shyǵarylatyn nysandardyń tizimi bekitilgen. «Sonymen qatar, Reseı Federatsııasy tarapynan «Báıterek» keshenin qazaqstandyq uıymǵa berýdiń normatıvtik-tehnıkalyq jáne uıymdastyrýshylyq qujattary da ázirlengen. «Zenıt-M» starttyq kesheni nysandaryn Reseı Federatsııasyna jalǵa berý quramynan shyǵarý jáne ony Qazaqstan tarapyna berý 2015 jyldyń qańtaryna josparlanyp otyr», - dedi T. Musabaev.