ІT-mamandardyń ortasha aılyǵy qansha

ASTANA. KAZINFORM – Tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev Senattyń jalpy otyrysynda ІT-mamandardyń ortasha aılyǵy qansha ekenin aıtty.

«2023 jyly Qazaqstanda IT-ındýstrııa qarqyndy ósip, jumys izdeýshiler úshin eń tartymdy salalardyń birine aınaldy. IT-kompanııalar sany 17 922-ge jetti. Bul 2022 jylmen salystyrǵanda 11% artyq», - dedi mınıstr.

Onyń aıtýynsha, IT mamandarynyń ortasha aılyq jalaqysy 588 myń teńgege jetken.

«Bul ótken jylmen salystyrǵanda 35 paıyz artyq. IT-sektoryndaǵy jumyspen qamtý kórsetkishi de 12 paıyzǵa artyp, 187 myń adamǵa jetti», - dedi Jaslan Mádıev.

Eske sala keteıik, buǵan deıin jumysshylardyń jalaqysy qanshalyqty óskenin jazǵan edik.