T.Kúzembaev shahtasynda jumystar qaıta jalǵasty, mert bolǵan kenshilerdiń deneleri tabyldy
ASTANA. 22 tamyz. QazAqparat - Qaraǵandy oblysy Saran qalasyndaǵy «ArselorMıttal Temirtaý» AQ Kómir departamentiniń T.Kúzembaev shahtasynda 21 tamyz kúni tańerteńgi saǵat 8-de jumystar qaıta jalǵasty.
Apat saldarynan mert bolǵan kenshilerdiń deneleri tabyldy. Bul týraly QR TJM-nan málim etti.
Buǵan deıin habarlanǵandaı, senbi, 20 tamyz kúni T.Kúzembaev shahtasynda 37 K10-V jeldetkish shtrekinde qazba jumystaryn júrgizý kezinde kómir men gazdyń kenetten atylýy boldy.
Apatty zaboıda 5 adam boldy, onyń 3-eýi óz kúshterimen shyǵa aldy. Úıindiler astynda 1965 jyly týǵan A.Erohın men 1957 jyly týǵan A.Kornılov qalyp qoıdy. Sol ýaqytta shahtada bolǵan 107 adam dereý qaýipsiz aýmaqqa shyǵaryldy.
20 tamyz 11 saǵat 55 mınýtta A.Erohınniń, jeksenbi kúni saǵat 03.35-te A.Kornılovtyń deneleri tabyldy.
Apattyń sebepteri men onyń mán-jaıynyń anyqtaý úshin oblys boıynsha TJD-nyń Kómir ónerkásibindegi memlekettik baqylaý basqarmasynyń bastyǵy Stanıslav Sytnık tóraǵalyq etken arnaıy komıssııa quryldy.
