T.Qulybaev Halyqaralyq boks federatsııasynyń vıtse-prezıdenti bolyp saılandy
ASTANA. 25 naýryz. QazAqparat - Shveıtsarııanyń Lozanna qalasyndaǵy Halyqaralyq boks federatsııasy Atqarýshy bıýrosynyń (AIBA Professional Boxing (APB) otyrysy barysynda Qazaqstan boks federatsııasynyń
prezıdenti Tımýr Qulybaev osy uıymnyń vıtse-prezıdenti bolyp saılandy.
Qazaqstan boks federatsııasynyń baspasóz qyzmeti habarlaǵandaı, T.Qulybaevtyń kandıdatýrasyn AIBA-nyń Atqarýshy bıýrosynyń qaraýyna Halyqaralyq boks federatsııasynyń prezıdenti Chıng-kýo Výdyń ózi engizdi. Quttyqtaý hatynda ol T.Qulybaevtyń AIBA-nyń kásibı boksty damytýdy kózdeıtin ınnovatsııalyq jobany (qazirgi «Astana arlandary» qatysyp jatqan Búkilálemdik boks serııasy - avtor) qoldaǵany úshin óz rızashylyǵyn bildirip, jeke quttyqtaýyn jetkizdi.
