T.Esetov ýkraın kásiporyndarynan para alý kúdigimen ózine ózi qol salýy múmkin - Bas áskerı prokýratýra
ASTANA. 12 aqpan. QazAqparat - 2013 jyly 31 qańtarda óziniń qyzmettik kabınetinde basynyń oń jaq samaıy tusynan oqtan jaraqattanǵan Qazaqstan Respýblıkasy Ulttyq qaýipsizdik komıteti Shekara qyzmeti akademııasynyń bastyǵy, general-maıor Talǵat Málgajdaruly Esetovtiń denesi anyqtaldy.
QR Bas áskerı prokýratýrasy baspasóz qyzmetiniń habarlaýynsha, osy oqıǵanyń barlyq mán-jaıyn jan-jaqty jáne shynaıy zertteý úshin qylmystyq is qozǵalyp, tergelýde.
Іs boıynsha barlyq qajetti sot medıtsınalyq jáne krımınaldyq saraptamalar júrgizildi, T.M. Esetovtiń týystary men qyzmetterinen jaýaptar alyndy.
Іs boıynsha aıǵaqtar jıyntyǵy T.M.Esetovtiń qaıtys bolýy marqumnyń ózine bekitilgen tabeldik qarýdan ózin ózi oqqa baılaýynan bolǵandyǵyn dáleldeıdi dep aıtýǵa bolady.
Tergeýdiń boljamy boıynsha Esetovtyń óz-ózine qol salýynyń sebebi, laýazymdyq qyzmetti asyra paıdalandy degen kúdikten týyndaǵan shıelenisti emotsıonaldyq jaǵdaı bolyp tabylady.
Qazaqstan Respýblıkasy Ulttyq qaýipsizdik komıteti Shekara qyzmetiniń laýazymdy tulǵalarynyń avıatsııalyq tehnıkaǵa jóndeýdi jáne tehnıkalyq qyzmet kórsetýdi uıymdastyrý kezinde qyzmettik ókilettikterin zańsyz paıdalaný faktileri boıynsha qylmystyq isti tergeýde.
Atalmysh is sheńberinde ýkraınalyq kásiporyndardan para alýǵa qatysty Shekara qyzmetiniń burynǵy jáne qazirgi jekelegen basshylarynyń qatystylyǵy tekserilýde, sonyń ishinde T.M.Esetov bar.
Bul rette, Esetovke qatysty tergeý organdary, ol Shekara qyzmetiniń ortalyq apparatynda jumys istep júrgen 2010 jyly avıatehnıkalardy jóndeý boıynsha jasaǵan kelisimderdi zerttedi.
T.M. Esetovtyń 2012 jyldyń jeltoqsanynda Ońtústik Qazaqstan oblysynda apatqa ushyraǵan AN-72 ushaǵynyń kúrdeli jóndeýine eshbir qatysy joq.
T.M.Esetovtyń ózin-ózi óltirý faktisi boıynsha qylmystyq isti tergeý jalǵasýda.
Josparlanǵan barlyq tergeý amaldary aıaqtalǵan soń qorytyndy protsessýaldyq sheshim qabyldanady, ol týraly qosymsha habarlanatyn bolady.
