T.Ermegııaev qazaq ánurany tóńiregindegi oqıǵany anyqtaýǵa ýáde berdi
ASTANA. 27 naýryz. QazAqparat - QR Sport jáne dene shynyqtyrý isteri agenttiginiń tóraǵasy Talǵat Ermegııaev Kýveıtte ótken nysana kózdeýden
Álem chempıonatynda Qazaqstannyń ánuranyna qatysty týyndaǵan oqıǵanyń shyǵý tórkinin anyqtaýǵa ýáde etti. Bul týraly ol búgin Úkimet otyrysynan keıin BAQ ókilderine málimdedi.
Esterińizge sala keteıik, chempıonatta qazaq sportshysy Marııa Dmıtrıenkony marapattaý kezinde Qazaqstannyń ánuranynyń ornyna amerıkandyq «Borat» fılmindegi án qoıylǵan edi. Osydan keıin Qazaqstan taraby uıymdastyrýshylarǵa shaǵym túsirgen-di. «Marapattaý bastalar aldynda biz uıymdastyrýshylar alqasynan «elimizdiń ánurany bar ma?» dep suradyq. Olar múdirmesten «Iıa!», dep jaýap berdi. Keıinirek bilgenimizdeı, uıymdastyrýshalar gımndi ınternetten júktep alypty. Serbııa quramasynyń sportshysyn marapattaǵan sátte, serbterdiń ánurany shyrqaldy. Keıin bizdiń jeńimpaz Marııa Dmıtrenko jeńimpaz retinde tuǵyrǵa shyqqanda, masqara jáıt oryn aldy. Uıymdastyrýshylar «Meniń Qazaqstanymnyń» ornyna «Borat» kınosyndaǵy ándi qosa jóneldi. Bárimiz ań-tań bolyp qaldyq», - depti osy jaıtqa túsinik bergen elimizdiń nysana kózdeý sportynyń bas bapkeri Ánýar ıÝnýsmetov Alaman ulttyq sport portalyna bergen suhbatynda.
«Parıjde ótken Álem chempıonatynda marapattaý rásimi barysynda Qazaqstannyń eski ánuranynyń oryndalýy oqıǵasynan keıin barlyǵyna da bundaı oqıǵalarǵa jiti qaraý kerektigi eskertilgen bolatyn. Osy halyqaralyq jarysta oqıǵanyń qaıtalanýy ókinishti-aq», - dedi T.Ermegııaev.
