T. Dúısenova «ZB PAIN RELIEF» ortopedııalyq jabystyrǵyshty qımyl-tirek apparatyn emdeý maqsatynda qoldaný úshin usynatyny týraly ınternette taratylǵan aqparat shyndyqqa janaspaıdy
Seıitqazy Mataevtyń avtorlyǵymen tirek-qımyl apparatyn tıimdi emdeýge arnalǵan «ZB PAIN RELIEF» ortopedııalyq jabystyrǵyshy týraly QR Densaýlyq saqtaý jáne áleýmettik damý Mınıstri Tamara Dúısenovamen suhbat túrinde berilgen aqparat shyndyqqa janaspaıdy. Jalǵan aqparat Google.com dúnıejúzilik izdeý serverindegi vırýstyq jarnama bannerleri, sonymen qatar, áleýmettik jeliler men messendjerler arqyly taratylýda.
Atalǵan aqparattaǵy derekkóz belgisiz bolǵandyqtan, ol shyndyqqa saı kelmeıdi.
Sońǵy 1,5 jylda Seıitqazy Mataev Tamara Dúısenovadan suhbat alǵan joq.
Suhbatta jarnamalanǵan Qazaqstanda tirkelmegen, sonymen qatar, emhanalyq tıimdiligi dáleldenbegen «ZB PAIN RELIEF» ortopedııalyq jabystyrǵyshy emhanalyq tıimdiligi dáleldengen dárilik zattar men medıtsınalyq buıymdar tizimine kirmeıtindikten, ony QR Densaýlyq saqtaý jáne áleýmettik damý mınıstrligi usyna almaıdy.
Emhanalyq tıimdiligi dáleldengen barlyq dári-dármekter Qazaqstannyń ulttyq dárilik formýlıaryna engizilgen, ony www.knf.kz siltemesi arqyly kórýge bolady.
Esterińizge sala keteıik, QR DSÁDM qyzmetine qatysty barlyq shynaıy aqparat mınıstrliktiń www.mzsr.gov.kz resmı saıtynda jarııalanady.