T. Dúısenova: Memleket múgedekter úshin jumys oryndaryn sýbsıdııalaıdy
Bul týraly búgin «Qazaqstan Respýblıkasynyń Múgedekterdiń quqyqtary týraly BUU konventsııasyn ratıfıkatsııalaýy: oń ózgeristerge umtylys» halyqaralyq konferentsııasy aldynda QR Densaýlyq saqtaý jáne áleýmettik damý mınıstri Tamara Dúısenova málim etti.
«Búginde Parlamenttiń qaraýyna zań jobasy engizilgen. Biz 24 zań men kodekske ózgerister engizýdemiz. Bul memlekettik emes sektorǵa baılanysty bolyp otyr. Eger jumys berýshi múmkindigi shekteýli adamdar úshin jumys oryndaryn qursa, onda biz osy jumys oryndaryn sýbsıdııalaýǵa daıynbyz»,-dedi mınıstr.
T. Dúısenovanyń sózine qaraǵanda, búginde Qazaqstanda eńbekke qabiletti 289 myń múmkindigi shekteýli adam bar, onyń 100 myńy qazirgi kezde jumysqa ornalasqan. Olardyń kópshiligi jeke sektorda qyzmetke turǵan kórinedi.
«Qazirgi kezde múmkindigi shekteýli adamdardy jumyspen qamtýda jaqsy úderis baıqalýda. Alaıda, elimizdegi múmkindigi shekteýli jandardyń kópshiligi jumys berýshige qajetti bilim men biliktilikti ıgermegenin túsinýimiz kerek. Bul turǵyda memlekettik mekemelerge de jáne jeke sektorǵa da qatysty»,-dedi vedomstvo basshysy.