T. Dúısenova HQKO-larda medıtsınalyq anyqtama alýdyń múmkindigin túsindirdi

ASTANA. QazAqparat - Búgin Astanada Densaýlyq saqtaý jáne áleýmettik damý mınıstrliginiń keńeıtilgen alqa májilisinde atalǵan vedomstvonyń basshysy Tamara Dúısenova jumysqa turý kezinde qajetti medıtsınalyq anyqtamany Halyqqa qyzmet kórsetý ortalyǵynan alýdyń múmkindigin túsindirip berdi.

«Emhanalardaǵy jasandy kezekti azaıtý maqsatynda turǵyndardy profılaktıkalyq tekserý tártipterin jeńildetý úshin tekserýden ótýdiń jańa kestesi engiziledi. Mindetti profılaktıkalyq tekserýden ótý úshin (jumysqa turý nemese oqýǵa barar kezdegi jáne basqa da tekserýler) azamattar halyqqa qyzmet kórsetý ortalyqtaryna baryp, dárigerge jazyla alady. Sonymen qatar HQKO-da profılaktıkalyq tekserýdiń qorytyndysyn nemese medıtsınalyq tekserýden ótkendigi týraly anyqtamany alýǵa múmkin bolady», - dedi mınıstr.

Bul sharalar turǵyndarǵa HQKO-larda osyndaı qyzmetterdi alý úshin balama jeńildikter bolmaq. Osy tártipke kóshý medıtsınalyq uıymdardaǵy aqparattyq júıelerdiń ázirligin eskere otyryp, kezeń-kezeńimen «Qabyldanǵan sharalar nátıjesinde alǵashqy medıtsınalyq-sanıtarlyq kómek uıymdaryndaǵy kezekti azaıtýǵa, baǵdarly mamandardyń júktemesin jeńildetýge, patsıentterdiń medıtsınalyq anyqtama alý shyǵyndaryn azaıtýǵa múmkindik beredi», - dedi Tamara Dúısenova.

Jyl saıyn respýblıka boıynsha prfılaktıkalyq medıtsınalyq tekserýmen qamtý 7,8 mln-nan astam adamdy quraıdy, onyń ishinde 4,5 mln.-nan astamy áıelder jáne 3,3 mln-y - er adamdar.