T. Donaqov: Memlekettik qyzmetke keletin sheteldik mamandar jalaqyny arnaıy qordan alady

ASTANA. QazAqparat - Memlekettik qyzmettegi sheteldik mamandar jalaqyny Úkimet taǵaıyndaǵan arnaıy qordan alatyn bolady. Bul týraly búgin Astanada QR Prezıdenti janyndaǵy Ortalyq kommýnıkatsııalar qyzmetinde Jańǵyrtý jónindegi Ulttyq komıssııanyń baspasóz máslıhatynda QR Memlekettik qyzmet mınıstri Talǵat Donaqov málim etti.

«Bul jerde sóz memlekettik apparat jumysyna aldyńǵy qatarly sheteldik tájirıbeni alyp kele alatyn bilikti mamandar týraly. Olar shet memlekettiń azamattary bolǵandyqtan, olardy Qazaqstannyń memlekettik apparatyna qabyldaý protsedýralary da ózgeshe. Olarmen arnaıy shart jasalady. Onyń ústine tıisti organdardan tekseristen ótedi», - dep atap ótti T.Donaqov.

Onyń sózine qaraǵanda, osylaısha memlekettik qyzmetke Qazaqstanda múldem joq óte joǵary bilikti mamandar tartylatyn bolady.
«Olar tek shet memleketterde bar tehnologııalarǵa jáne úlken tájirıbelerge ıe», - dedi mınıstr.
T.Donaqovtyń málim etkenindeı, memlekettik qyzmetke kelgen sheteldik mamandar jalaqyny Úkimet taǵaıyndaıtyn arnaıy qordan alatyn bolady.