T.Donaqov: Qazaqstannyń memlekettik qyzmetshileriniń 48 paıyzyn áıelder quraıdy

ASTANA. QazAqparat - Qazaqstannyń memlekettik qyzmetshileriniń 48 paıyzyn áıelder quraıdy. Bul týraly búgin halyqpen eseptik kezdesý ótkizgen QR Memlekettik qyzmet isteri mınıstri Talǵat Donaqov málim etti.

Mınıstrdiń atap ótýinshe, elimizdiń memlekettik qyzmetshileri qatarynda genderlik teńdik bar. Naqty aıtqanda Qazaqstannyń memlekettik qyzmetshileriniń 48 paıyzyn áıelder qurap otyr.
«Qazirgi ýaqytta memlekettik qyzmettegi ortasha jas 35 jasty quraıdy. ıAǵnı, Qazaqstannyń memlekettik qyzmeti - bul eń aldymen tájirıbe, kemeldený jáne jastyq qoımasy»,- dedi ol.

T.Donaqovtyń sózine qaraǵanda, memlekettik qyzmettiń jańa modeli jumys isteı bastaǵan sátten memlekettik apparatqa ornalasý tartymdylyǵy aıtarlyqtaı kóterilip, 1 bos orynǵa úmitkerlerdiń sany birshama ósken.

«Ótken jylmen salystyrǵanda memlekettik organdar qataryndaǵylar 5 ese artty. Al adamdardyń memlekettik qyzmetten ketý deńgeıi 2 esege jýyqqa qysqardy», - dedi T.Donaqov.