T. Bıgeldınov atyndaǵy Áskerı ınstıtýtta Tarazdyń birinshi kýrs stýdenti qylǵyndyrylyp óltirildi, arnaıy komıssııa jumys isteýde
AQTÓBe. 19 qyrkúıek. QazAqparat - Aqtóbede Talǵat Bıgeldınov atyndaǵy QR áýe qorǵanysy kúshteri áskerı ınstıtýtynyń kazarmasynda birinshi kýrs stýdenti qylǵyndyrylyp óltirilgen.
«Tótenshe jaǵdaı 13 qyrkúıek kúni keshke qaraı oryn aldy. Qazirgi ýaqytta kúdikti túsinikteme berýde. Ol óz kinásin moıyndady. Belgili bolǵandaı, sol kúni keshke qaraı kýrstyń top starostasy basqa kýrsantqa sabaǵyn toqtatyp, uıyqtaýyn buıyrǵan. Ol óz kezeginde bul «buıryqty» oryndaýdan bas tartqan. Stýdentter turmystyq bólmege baryp aralaryndaǵy «kelispeýshilikti» anyqtamaq bolǵan. Sonyń saldarynan Tarazdan oqýǵa kelgen jas jigit qylǵyndyrylyp óltirilgen. «Qyzmettik babyn asyra paıdalaný» baby boıynsha qylmystyq is qozǵaldy», - dedi Aqtóbeniń áskerı prokýrory Rolan Jeńisov.
Ekinshi kýrsant kúzettiń baqylaýynda otyr, ony qamaýǵa alý úshin sanktsııa da berildi. Arnaıy komıssııa bolǵan oqıǵanyń sebepterin anyqtaý ústinde.
