T.Bekmambetovtyń sońǵy týyndysy «Astana» kınofestıvalinde kórsetiledi
ASTANA. 7 maýsym. QazAqparat - 1-3 shilde kúnderi elordada ótetin ekshn-fılmderdiń «Astana» atty III Halyqaralyq kınofestıvali belgili rejısser T.Bekmambetovtyń sońǵy týyndysy - «Prezıdent Lınkoln: vampırler ańshysy» fılmimen ashylady.
Bul týraly búgingi baspasóz máslıhatynda «Astana» halyqaralyq kınofestıvali bas dırektorynyń orynbasary Svetlana Fıssen habarlady.
Onyń aıtýynsha, bul fılmniń premerasy Qazaqstanda alǵash ret ótedi. Odan keıin ol halyqaralyq prokatqa túsetin bolady. «Sondaı-aq frantsýz rejıseeri Jıýlen Leklerktiń «Shabýyl» fılminiń gala-premerasy uıymdastyrylady. Al kınofestıvaldiń jabylý rásiminde «Jańa órmekshi adam» fılmi kórsetiledi. Ol da gala-premera», - deıdi S.Fıssen.
Jalpy, «Astana» kınofestıvali barysynda 16 fılmniń kórsetilimi ótpek. Arnaıy bólim aıasynda «Órmekshi adam - 4», «Batyr júrek» jáne «Qara kıimdiler-3» fılmderi qazaq tilinde kórsetiledi. Barlyq kınotýyndylardy «Azııa park» pen «Han shatyr» oıyn-saýyq keshenderinde tamashalaýǵa bolady.
Aıta keteıik, Bekmambetovtyń «Prezıdent Lınkoln: vampırler ańshysy» kartınasynyń álemdik premerasy 21 maýsym kúni ótedi.
