T. Balyqbaev eńbek naryǵynda joǵary suranysqa ıe salalardy atady
ASTANA. QazAqparat - Búgin «Ekspert» sarapshylar klýbynyń kezekti otyrysyna qatysa otyryp, «Qazir qazaqstandyq bilim bəsekege qabiletti me?» degen saýal tóńiregindegi pikir almasýǵa qatysqan Bilim jáne ǵylym vıtse-mınıstri Tahır Balyqbaev qazir Qazaqstannyń eńbek naryǵynda kóp suranysqa ıe salalardy atady.
«Eńbek naryǵynda suranysqa ıe salalar - mashına qurastyrý, elektr energetıka, taý-ken metallýrgııa salasy, sondaı-aq, tamaq ónerkəsibi men aqparattyq-kommýnıkatsııa tehnologııasy salalary. Mine, biz memlekettik granttardy osy jəne ózge de baǵyttarǵa qarap, bólemiz. ıAǵnı, memlekettik tapsyrys (memlekettik grant) bizdiń ekonomıkamyzǵa, bizdiń ındýstrııamyzǵa qaraı jasalady»,-dep məlim etti T.Balyqbaev
Vıtse-mınıstrdiń aıtýynsha, jalpy, Qazaqstanda mektep túlekteriniń 60% joǵary oqý ornyna oqýǵa qabyldanady. Osy kórsetkishke grantta oqıtyn stýdenttermen qatar, aqyly negizde bilim alatyn jastar da qosylyp otyr. Onyń ústine, T.Balyqbaev atap ótkendeı, naryqta suranys tómen bolsa da, ekonomıst jəne zańger mamandyqtaryn tańdaıtyn túlekter kóp.
«Aqyly negizde ekonomıst, zańger, qarjy mamandyǵyna oqıtyn jastar kóp. Bul, ərıne, ər balanyń jəne ata-anasynyń tańdaýy. Degenmen, biz memlekettik tapsyrysty eńbek naryǵyndaǵy suranysqa saı qalyptastyramyz»,-dedi T.Balyqbaev.
