«Sizdiń atyńyzdan nesıe alaıyn dep jatyr»: Qyzylordalyq polıtseıler alaıaqty qolǵa túsirdi

Qyzylordalyq polıtseıler jergilikti turǵynnan alaıaqtyq jolmen 5 mln teńgeni jymqyrǵan Almaty turǵynyn qolǵa túsirdi, dep habarlaıdy Kazinform.

Qyzylorda qalalyq Polıtsııa basqarmasynyń kezekshi bólimine alaıaqtyń qurbany bolǵan qala turǵyny aryzdandy.

Aıtýynsha, onyń telefon nómirine belgisiz bireý habarlasqan.

«Ulttyq Bank qyzmetkerlerimiz, belgisiz bireýler atyńyzdan nesıe alaıyn dep jatyr» dep senimine kirip, 5 mln teńge aqshasyn aýdartyp alǵan.

«Polıtsııa qyzmetkerleri jedel-izdestirý is-sharasyn júrgizdi. Nátıjesinde Almaty qalasynyń turǵyny ustaldy. Atalǵan derek boıynsha QR Qylmystyq Kodeksiniń 190-babynyń 3-bóligimen (Alaıaqtyq) sotqa deıingi tergep-tekserý amaldary júrgizilýde. Qazirgi ýaqytta kúdikti qamaýda», — dep málim etti Qyzylorda oblystyq polıtsııa departamentinen.

Eske salsaq, budan buryn Qyzylordada jasóspirimder top bolyp tóbelesti.