Syzat túspeıdi delingen smartfondy áýesqoılar burǵymen tesip kórdi
ASTANA. QazAqparat - Xiaomi flagmandyq smartfonynyń premıýmdyq nusqasy aldyn ala málimetter boıynsha, 6 sáýirde satyla bastaıdy. Syzat túspeıdi delingen apparatty áýesqoılar jurtqa taralmaı turyp tekserip kórdi.
Xiaomi Mi 5 Pro keramıkadan jasalǵan artqy paneliniń sapasyn tekserý úshin vıdeo avtorlary kásibı mamannyń arnaıy qural-saımandaryn qolǵa aldy. Olardyń ishinde turmystyq elektr burǵy da bar.
Smartfon korpýsy beriktigin kórsetti. Ártúrli resýrstarda jarııalanǵan málimetterge sensek, ázire satylymǵa shyǵarylmaǵan smartfonnyń quny $415 - $550 shamasynda bolady.
